Remna Lal Isua

Phuahtu: -
Satu:

Phuahtu: Lalsangzuali Sailo
Satu: Lalsangzuali Saio, H Vanlalhlana

Tunlai thil awmdan hia thlir teh u,
Ramtinah indo thawm a thang vel;
Buaina leh lungngaihna a zual zel,
Lir a nghing, Lal Isua lo kalna a hnai ta.

Rem len tir tura lo kal Lal Isua,
Lei mihring zingah a lo kal hi;
Hringnun khua reng a buai, a zual zel nitinin,
Lal Isua nen erawh engthawlna, mitin tan.

Nu leh pa leh fate inkarah,
Thenawm, lainate leh thiante nen;
Hmangaihna, remna leh inngaihdam tawnna te,
A tlem ta, hmangaihna a chuai zo.

Nitin kan hnathawhna hmunah te,
Mi lian, mi te, midangte zingah;
Inremin kan hun hlu zawngte hmang tur kan ni,
Chu ngei Lalpa Isua duhzawng chu.

Khawvelin remna a pe thei lo,
Mi tuma’m am pe thei bawk si lo,
Khawiah pawh Lal Isua lalna hmun apiangah,
Remna leh muanna tak a awm thin.

(He hla hi Pi Lalsangzuali Sailo in November ni 28, 1980 a phuah a ni.)