Riangvaite Lal a lo piang ta

Phuahtu: -
Satu:

Phuahtu: PC Lalneihtluanga
Satu: Lungchhuan Kohhran Pavalai Pawl

An tlawm lua e, lei berampu te chu,
Vangkhaw dai rehah muang te’n an zal e;
Lei mi zinga chhiar ve loh mi tlawmte hnenah chuan,
Angel te’n an puang e, “Remna Lal a piang ta,” tiin.

A hming Maka, Remruattua,
Pathian chaka, Chatuan Pa, Remna Lal,
Hlim leh lawmin zai i vawr ang,
Riangvai te Lal a lo piang ta.

Vantirhkoh te’n van hla mawi an rawn sa,
“Chungnung berah ropui rawh se,” an ti,
“Lei chunga a lawm em em hringmi te hnenah chuan,
Remthu leng rawh se,” tiin biahzai nem an hlan e.

Beraw, murra, rangkachak nei lo vin,
Rohlu eng dang mah pek tur nei lo vin;
Berampu te ang khanin kan thinlung hlan ila,
Kan lawmna mittui nen Bethlehem lam i pan ang u.

Ran in tlawma ka Lal riangvai tak saw,
A chun riang Mari’n duatte’n a chawi e;
Thinlai min run ngei e aw, Bethlehem tlang pui sawn,
Tahchuan ka Lal lunghnem ranthlengah chham ang a zal e.