Samaria kulh chhungah

Phuahtu: -
Satu:

Phuahtu: Pastor Vanlalkima Sailo
Satu: Daisy Khawbung

Samaria kulh chhunga’n tap thawm ka hria a,
Naupang riltama tap ri a ni awm e;
Suria sipaite chuan kulh chu an hual a,
Khua a rei ta ei leh in tur a awm ta si lo,
Chakkhai lakna mai tur a awm hek lo.

A va rapthlak em kulh chhunga nunaute,
An tana hlu thuro ek takngial pawh;
An riltam chuan an fate hial pawh an ei,
Chu aia manganna ralthlak awm leh ngai ang maw?

Turnipui thlang tianga’n a liam dawn ta e,
Zan tlai bawhar ten tin zai an rel ta e;
Phar chau tak palite pawh chu kulh pawna’n,
Ei leh in petu an awm tak si lohvah chuan,
Famkhua chan mai zawng an hmabak e.

Phar pawh nise nunna an hlut ve e,
Hmelma belin riltam fan chan ai chuan;
Suria sipaite chu Lalpa’n a hnawt bo va,
An tlansan ei tur tam pharte tan hlimna.

Setana kulh chhungah tap thawm ka hria a,
Ei tur awm loh vanga riltam zawng anni lo;
Pathian thua tamna zawlnei sawi lawk ang kha,
A thleng mek e, thlarauva riltam leh tuihalte,
Thlarau chaw a chawm tura koh kan ni.

Thlarauva riltam kan chawm loh avangin,
Sang tam tak sual tuipuia’n an pilbo mek,
Nang i kal ve dawn em bo mekte chhan turin,
Khawngaihna kawngkhar hma hian i chhuak ve dawn lo’m ni?