Siamtu duatlai

Zingtian bawhar zai lo sa a,
Hai ang thangin khua ka chuan a;
Ka thlir khuavel a mawi ngei e,
Lung a awi ngei e aw,
Ram hnah nemin par rawn chhuah a,
Khua hawi ti nuam an maw;
Sirva zai sa lunglai ti hlimtu,
Chhamdemthli leng min thawi dam tu.

Siamtu’n a duatlai lo ni khuavel thil tinreng hi,
Thlir vel la, chiang ten dawn la;
An mawina ropuina te’n,
Siamtu ropuizia an hril a;
An lo hlu chuang ngei e,
An lo hlu chuang ngei e.

Turni lo chhuak chhaktiangah khian,
Hun thar chhuah tirin;
Ruam bawh chhum paw’n kian zai rel e,
Hringnun tawi zia min hriattir,
Tlaitla engmawi leh chung chhawrthlapui;
Hringmi siam thil ropui ten,
Siamtu ropuizia an hril a;
Ka dawn in mak  ka ti.

Siamtu’n a duatlai lo ni khuavel thil tinreng hi,
Thlir vel la, chiang ten dawn la;
An mawina ropuina te’n,
Siamtu ropuizia an hril a; 
An lo hlu chuang ngei e.

Khuanu duan sa khuavel mawitu,
Nungcha par tin vul zawngte;
Kan hrai duhlai ianga duat hi,
Hringmi’n kan bat a ni.