Simeikhu

Phuahtu: -
Satu:

Satu: CFL Hmingthanga

Zankhua a lo tlai a zaleng val rual zawng te’n,
An di run an kai a hlim zai an vawr siau ve;
Chutin kei erawh nunhlui ngai reng hian e,
Chhawrthlapui eng hnuaiah mah te’n ka hawi ruai e.

Ka han thlir van dum pawl riai karah,
Lunglen ti zual tura’n simeikhu zam chiai e;
A mawi chuang mang e, ka thlir ning thei dawn lo,
Min tuar pui la ka di sam ang then hnu,
Lunglen a nem ve mahna.

I kianga leng ve siar leng zawng te pawh,
Biahthu i hlan em ni, an mawi chuang zanin chu,
Ka tan zan chhinchhiah tlak min siamtu i lo ni,
Theih chang se van zawlah kumtluangin zam reng rawh.

Zankhua a rei ta thlir lai ka bang nang che,
Lanu chhai val zawng pawh tin zai an rel ta si;
Siamtu chawiin i mawina zual zel se,
Intawn leh hma chuan e, dam te’n, aw, mang tha aw.