Tah lai ni kawlkung zamual a liam thei lo
Phuahtu: Lianmana/Romani
Satu: Zoherliani
Tah lai ni kawlkung zamual a liam thei lo,
Ngaihlai tuaite (Lawm lai parte) lungchim taka then zawng chu aw;
Ka riang lua e lungduh sulhnu hmun hlui nghak,
Thuva awmhar chun lo, aw, i dungthulin.
Ngaiin ka au zel dawn e, ni ri riai,
Thlang tlai tla hnu hmanah thinlai lungdamna;
Chawnpui ianga dam lai par mawi kan vulna.
Ngai zual ila tlang za awmhar leng hnehin,
Rual khum ila lung lam lenah thang mawi maw e,
Ka bang lo’ng e khuarei kum sang ral mahse,
Tawn leh har lungrun zual, aw, i hming sawi chu.
Par chhingchhengte an vul leh dawn khua thalah,
Dawn har mi hril khua romei a zam thar leh e;
Kei chu rianghlei fam rolung mual nghak turin,
Ngaih lai tuaite lunghnem, aw, i tel lo chuan.