Tawnmang
Phuahtu: -
Satu:
Phuahtu: Crystal Malsawmi
Satu: Crystal Malsawmi
Nizan ka tawnmang chu e, hlimtea leng dunin,
Ka tawnmang ram lalpa ka lungdumtu ngei kha;
A sakruang kim tlang a mawi ngei e,
A hming hriat loh ka zanlai di nen,
Tak rama tawn ngai loh ram kan fang dun,
Mahse maw, bawhar rawn khuang chuan e.
Ka suihlunglen a na ngei e,
Tawnmang nuam kha tak ram han chang mai sela,
I kut vuanin ka thlah phal tawh lo’ng che.
Tawnmang mawl mai chang tur chuan bawihte,
Ka phal thei mawlh si lo,
Chelh din thei ka nuam ngei e hun leh nite,
Ka duhsam lunglawm a kim ngei ang,
Theih se i tan chamhlen ka zuam e,
Tiang renga ka thinlai i luah mai,
Mahse, zing tian khawvara sirva rawn hram chuan e.