Tawnmang ramah
Phuahtu: Saka
Satu: Saka
Dawn lem nei lo vin thiamna runah,
Ami zaleng zawng dung thula;
Kai laiin ka tawng i sakhmel mawi,
I sakhming pawh ka hriat hmain,
I zunah ka uai zo dan rual loh vin,
Thaleng dawn tawnah par i lo vul reng si.
Mang ramah chuan nang nen kan leng dun a,
Chung siar leh chhawrthlapui eng hnuaiah;
Thinlung insiin chhingmit intawngin,
Hal lo te’n biahthu di min hlan a,
Lelthang rimawiin min awi a,
Zaleng zawng ten min sel bik lo va,
Chhemdam iang nem te’n biangah fawpin,
Ka tawngmang ramah.
Zing tian tur ni lo eng khian,
Nang ngaih suihlunglen her chhuah pui e;
I sakhmelmawi tawng fo mah ila,
Kawplai di tawnah i hlim ka hria,
Ban zai rel ka tum, a zual zel si,
Engtikah tak nang ngaih bang ang i maw?
Khua tuah loh di zuna chhawl ang ka uai reng mai hi,
Kei zawng tuar har ka ti;
Ka thinlai lungril luahtu,
I tawnah ka hmangaihna a thlen phak si loh chuan,
I kianga leng turin zan mu chhin zai ka rel nang e.