Thai tlawm lungmawli

Phuahtu: -
Satu: Lalsangluaia Renthlei

Khuarel ka chan tawk dawn chang hian,
Enga’n kawplai di vai sakhming ka chan le;
Chun leh zua rem loh val ka cho sual ngei,
Vohbik par thliah hnu chhawl a uai e,
Thai chan hma ngaiin ka kiu vawng vawng.

Sakruang mawi hian chhaitu vuan teh se aw,
Sumtual kai val seih hlan ka sum zo lo;
An uai nem le thliah hnu leng ka zunzam a’n,
Thai tlawm lungmawl tiin min sel leh thin,
Hnah thar tleitir chhai zawk nang tiin.

Thliah loh par chawitu lengi iangin,
Tuai thar nang e uai hnu par chawiin;
Duhthulengsam zawng nuam ve thin e,
Thliah hnu leng ka tan sakhmel uang thlawn e.

Si-ar lak huam valin min zem e,
Awmhar an ti val dang tawh hraileng zawng,
Zua chawi loh te’n run nghah pui ka nuam e,
Nghak zel na’ng sel lo tu Chaltuaia,
Chantawk leng zawng piang ve na ngai e.

Chinlai leng kara’n leng mah ilang,
Thai chan hma anka iang a thlum seng lo;
Runlum pui tura’n val ka thlang sual ngei,
Kumpuisul min tiam rei thlawn mange,
Humsual dai lung lian ka mawi bik lo.