Then che ka hlau ber mai
Hla Thu (Lyrics)
Sakhmel tha chuang vangkhawpui mawi tura’n
Khuanu’n a lo chawilian che a maw;
Chhingmit len thiam leh kimtlang duhaisam,
Thaia’n ka thlang nang che.
Engtin ngai ang maw i chun leh zua leh,
Ka lenrual zawngte khan?
Hmelma anka dawt thu leng vanga,
Then che ka hlau ber mai.
I chun leh zuate’n min hnawl mahse maw,
Nang chuan sam ang min then chuang lo la;
Kumtluang ka thai i chan hma loh chuan e,
Rinawmna vawng reng rawh.
Silhpuannem zawna chham ang zal hun chuan,
In hrilh dun ang aw, hmangaih biahthu;
Duhaisam leh lawm a kim ve nan maw,
Rinawmna vawng reng la.