Thihna Jordan kamah lungngaihin thla a zar

Phuahtu: Saihnuna
Satu: -

Hla Thu (Lyrics)

Thihna Jordan kamah lungngaihin thla a zar,
Buaina chhum a zing, khua a thim e, Lalpa;
Ka hmaah lo eng leh ang che,
Aw, Thlarau ka lawmna ber.

Nang lo chuan tlai nilen a har e, Lalpa,
Eden hlui tuala lengte hian;
Kan au Lal nunnem mi hruaitu,
I zar mawi a len ka nuam ve tawh e.

Lawmna kawl eng tur chu tapin ka thlir nileng,
Hmuh ni awm ang maw ngaih a na e, Lalpa;
Ka tan khua var tir leh ang che,
Aw, tah lai ka bang ve tawh ang.

Ka chenna tur ram nuam ka ngai khawvelah hian,
Tah chuan Lal nunnem par tlanin zai an sa;
Bang lovin Saron par an thliak,
Ka thlir lungngaih hnuaiah hian.