Thihna pawh hlawkna

Phuahtu: -
Satu:

Thihna pawh hlawkna

Phuahtu: Pastor J.H Lalsiamthanga
Satu: H Lalnunpuii

Lalpa, i thuthlung phur turin,
Tling thei awm maw khawvelah hian;
Mihring chakna hmang tur hianin,
Hring chan buaina ram khawvelah hian.

Hruaitu Mosia nun kha thlirin,
Ka kal zel dawn thlemnaah pawh;
Ka tan nun hi Krista a ni a,
Thihna pawh a hlawkna a lo ni e.

Kei pawh Lalpa khawvelah hian,
Buaina chhum ten min chim laiin;
Ka kawng hruaitu Thlarau thianghlim,
Lo hnai reng rawh, aw, ka Lal Isu.

Hruaitu ropui Mosia ngei kha,
Pharo fanu fapa a awm leh;
Aigupta sum ropui ai chuan,
Tihduhna chu a thlang ta a.