Thinlai min run

Phuahtu: -
Satu:

Phuahtu: C Kapmawia
Satu: H Lalthakima

Ka suihlungleng tur hi dawn lo’m ni,
Khuarei tinkim min dawn pui la;
Hmanah lawmlai lung ka rualpui,
Nghilh i har dawn ngei e.

Thinlai min run lua a na e,
Phuloh ngai reng renga val hi;
Dam chhung tawite ka hmangral mai tur hi,
Ka dawn lung reng a awi thei lo.

Tah lai bang lo a riang val min hnemtu,
Tualvung koh thiam ka chung huiva;
Hmartlang khua tawp khua va chuan la,
Ka lungdi min koh rawh.

Chhawr thlapui siar a dang chuang love,
I hming rialtui ang daih hmain;
Saisen nu hnuntui ngai ang hian,
Tah lai ka bang thei lo.

Ka suihlunglen reng a nem thei dawn lo,
Kei zawng parte, i zun ngai hian;
Lung ka mawl e, tha ainawni,
Nghilh i har dawn mang e.

Chung Pathian Khuanu’n min hual tawn reng se,
Chun leh zuapa tui ang nem se;
Run hmunah nang nen leng dunin,
Hrai duh leng chawi turin.