Thisen luan chhan
Hla Thu (Lyrics)
Hringnun khawvel sualna thim hnuaiah hian,
Lenlai an chen, lengi leh val rual ten;
Kir zai rel lo hian an pan zel, kumtluang thihna thlan thim lam chu,
Chauvin an rum e, beidawngin an kun e,
Dawn reng a sei, an chatuan hmun thlirin,
Nang leh kei lo zawng tu dang nge awm le, anni hruai kir tur hian?
Kal lai i rel ang, Thalai Kristian Pawl,
Khawvelin min au, remna thu puang turin;
Kan din chhan “Krista leh Kohhran tan” tiin,
I bei zel ang kan Lalpa tan,
Hei ngei hi a lo ni, kan tana Lalpa tlanna thisen luan chhan.
Khawngaihna hun tha a her liam mek e,
Famkim lohna khawvel hi zawng chatuan a tling lo;
Thilsiam zawngte’n nghakhlel takin an thlir tlanna ni ropui chu,
Ngaiin min au ve, chanchintha hril turin,
Aw, muang lo vin aw, khua a tlai hma ngei hian,
Danglam ngai lo, a mite hruai thintu kan Pathian a ni si.
Sual dona karah ka hawikir san lo’ng, khawngaiha min thlangtu,
Aw, beiseina nung leh thlarau thianghlimin ka hma a hruai zel dawn si,
Beidawng tur kan ni lo ve.