Thlaler tuivalawng

Thlaler tuivalawng ang, khawram chhimbuk ang hian,
Ka nun hian LALPA chu a ngai a;
Sakhi luite tui chak, thaw huam huam ang mai hian,
Ka nun hian LALPA chu a ngai em a ni.

Nun a kim lo, i tel lo chuan,
Khawngaih leh Hmangaihna i hnena awm kha,
Min neihtir Ieh ang che aw.

Sual vanga lungngaihna ka tuar nite hian aw,
Ka nun hian LALPA chu a ngai a;
Min hnemtu ka vai e, khawhar hian ka chau si,
Ka nun hian LALPA chu a ngai em a ni.

Hmangaihna par tlan za, kan hlim nite zawng kha,
Ka dawn hian lunglam ka vai ruai e;
Koh kir theih chang se, aw, auh ruai ruai ka nuam e,
Ka nun hian LALPA chu a ngai em a ni.