Thlarau thianghlim a tawk

Phuahtu: -
Satu: Liandingpuii

Ka khualzinna khawvelah hian,
Sual tuipui fawnten chim reng;
Awm lohna tura ka awmin,
Ka tih loh tur sual ka ti ṭhin.

Sual Setan ralin eng lai paw’n,
Ka duh zawng leh chak zawng hmangin;
Ka mit, ka beng, ka thinlung hi,
Sual lam kawngah a hip reng ṭhin.

Thlarau thianghlim ka kawng hruaitu,
Ka ding leh veiah min chelh la;
Ka hnung dawlin ka hma hruai la,
Ka tan eng lo ni zel ang che.

Thlemna tui fawn lo hrang mahse,
Sual leh a thiltihtheihna zawng;
Hneh theih tura min pui turin,
Ka tan a tawk Thlarau thianghlim.