Thlarau thianghlim nunna ber

Phuahtu: Makthanga
Satu: Republic Vengthlang Kohhran Hmeichhia

Hla Thu (Lyrics)

Thlarau Thianghlim – nunna ber,
Awm dan danglamtirtu tur;
I vanram hmu ve tlakah,
Zaidamin min thlem ve la;
Thlarau Thianghlim sawmna chuan,
Ka kiang vela lo kalin,
Ka rilruah a sawi thin,
“Min zui rawh, ka hruai ang che.”

Kan thian rinawm tak hianin,
Ni tinin min sawm fo thin;
Kan rinhlelh thin avangin,
Amah kan phat leh mai thin,
Hlauhawm kan tawh lai chauhvin,
Kan thlaphan mangan laiin,
Amah kan hre leh si thin,
Chu mai chu a tawk lo vang.

Aman kan thatna a hria,
Kan rilru zawng zawngte pawh;
Amah kan zui phawt chuanin.
Ram thianghlim kan chang ve ang,
Nang pawh pialral kai tumin,
A sawmna che awih zelin,
Chatuan nunna kawng zawh la,
Aman a phat lo vang che.