Thuva awmhar

Thuvate nunnem,
Sawmfang hmun hlui chul fan niin;
Rualhlui ngaih tizuala’n,
Lunglen zai sai sa che,
Thuva nunnemte,
Chul thlam kuan zar thing ro bel che,
Kawppui i then em ni, lunglen zai sa che.

Chung vanzawla thlawka khua chuan vanlaimu pawh,
Leng leng velin mual tin hrut e, kawppui then ve em ni?
Keimah ianga lungleng ve bawk i nih chuanin e,
Sul hmun nghak thuvate, zuangin lo tum thla la,
Sul hmun ngai thuvate, lunglen thu hril dun ang.
(*Awmhar hluan…thuvate lunglen thu hril dun ang aw.)

Thuva awmharte,
Ngaih ti zual e zozam par tlai;
Rite zau au sawn,
Lung mu hnu an tho,
Thuvate nunnem,
Chhun har ni sei tahlai bang la,
Lunglen sep dun ang, awmhar riang ve ve.