Tiam tlat e
Phuahtu: Thakima
Satu: Thakima feat Josephine
Nun chau beidawng khawhar taka ka rum laiin nang ka tawng che,
Ka tana Khuanu ruat ka nunna ai pawhin ka hmangaih che;
Nun kawng dik min zawh tir theitu i nih vang hian,
Bawihte, ka lawm em em e.
Valmawi, i tan hian ka theihna chu tlem mahse,
Ka thinlung ngaihtuahna hian i hlimna a dil asin;
I tan chauh, aw, kumtluanga nuthai chan ka nghakhlel.
Bawihte, ka hai lo, ka hmangaih che,
Ka kiangah riahrun i rem ve nan;
I chun leh zua te ka dil thuai ang,
A rei tawh lo’ng e.
Hmangaihna chauh hmachhuan zelin,
Kumtluanga lengduna thianghlim taka,
Rawng inbawl tawn sak zel turin,
Hringnun kawng chhuk chho chhiar dun turin,
Kan leng dun ve thuai ang, “Tiam tlat e” tiin.
Hrilh thiam a har ngei ti ema ka lungdumtu,
I zunleng ngaih luat vang hian chhing mittui a far asin;
Ka hmangaih che, ka ta i ni, ka hmangaih reng ang che.
Kei pawn ka ngai che, a rei tawh lo’ng,
Duatten kan hraileng kan chawi hun chu;
Nang nen chuan e ka hringnun hi tuktin par a ni.
Hmangaihna chuan ngil a nei si,
Engkim a huam thin a;
Chutin runhmunah nui dunin
Fanau maltluan kan chawi dun dawnnia aw.