Tlang a dang lung a leng em mai

Phuahtu: Saihnuna
Satu: K Lalrinpuia (Patea), R Kawlthanmawii, C Vanlalzuia, Zira Hnamte

Hla Thu (Lyrics)

Tlang a dang lung a leng em mai,
Then nan Lal remruat sa a ni;
Kan chan tawkah lungawi takin,
“Lalpa’n awm se,” tiin min tiam.

Dam takin aw, unaute u,
A then te’n thlanmual kan zawng ang;
Kan inhmuh leh hun niah chuan,
Aw, lungduh te kan kim tawh lo’ng.

Lungrual takin leng mah ila,
Kan inthen nan hun a kal zel,
In sulhnu leh in thiltihte chu,
Khawhar takin keini’n kan nghak.

Rinna hmun khatin leng ila,
Lal buatsaih ramthar i thlir ang;
Zion par hlimthla keng chungin,
Khawpui hlun kan ram a ni e.

Hun chuan min dal lo ni se la,
Lal hung chhung chenna ralmuangah;
Kan ngaih tlang tina lengte nen,
Min tlantu zaiin kan awi tur.