Tlawmngaihna
Phuahtu: Captain Vuta & Salai Tawnenga
Satu: Lalrindiki Khiangte (Daduhi), Alpha Various Astistes Rebecca Saimawii
Thinlai lungrukah ram tin ka fang vel a,
Ka dawn thin khawvel sakhming thang zawng pawh,
A iang thei awm lo, aw, tlawmngaihna hlu hi,
Hei ngei hi Zoram nun mawi lo ni e.
Aw Zoram, tho rawh, mu rei suh,
I tan khua a tlai ang e;
Hleprukna leh sual tinrengin a hual che,
Rethei leh hausa zai khata len nan kar a hla lua e,
Tlawmngaihna hlu, chuai lo te’n vul zel ang che.
Aw tlawmngaihna hlu, tlang bawm romei zam iang,
Thinlairukah, aw, i mawi chuang e,
Tlang tin bawm Zofa suihlung min rual tirtu,
Thamral maia’n zawng, aw, ka phal lo che.