Tleitir hmeltha

Phuahtu: -
Satu:

Phuahtu: Siakenga
Satu: Famkima

Tleitir hmeltha, lungdumtu nang ngei i lo ni,
Kan vangkhua timawitu ber mai chu;
Chhing zo reng an awm lo’ng che zaleng zawng zingah,
Sakhmeltha, aw, duhlai mampui.

Enchim loh lungrunpui, ka tawng lo nang ang reng,
Ti hian min han hlan ve mai la;
‘Ka hmangaih ber che’ tia biahthu di min hlan chuan maw,
Kei ka lunglawm a kim ngei ang.

Min han dawn ve thin la, aw, nang hmangaihtu hi,
Nang ngaia ka tah khua sei tur hi;
Min hnem thiam an awm lo, aw duhlai,
Min hnem la, thinlaina zawng a dam ngei ang.

Zankhua lo tlaiin e, nang ngaih a zual leh thin,
Lenrual duh te chuan an di run an kai;
Kei zawng e, nang ngai hian zan mu ka chhing thei lo,
Nghilh ni ka nei lo’ng che, Mampui.