Tuk loh ram

Phuahtu: -
Satu:

Phuahtu: Siama/Runrosiama (Vulmawi)
Satu: Siama/Runrosiama (Vulmawi)

Aw, tuk loh ram eng i ti ta mai nge ni le?
Thing chawrte hring dil dela kur siau siau e thingzar,
Va tinrengte hlim zai vawra an sam chaina hmun duhawm,
I daihlim nuam an ning ne’maw.

Aw, tuk loh ram eng i ti ta mai nge ni le?
Thing chawrte hring dil dela kur siau siau e thingzar,
Va tinrengte hlim zai vawra an sam chaina hmun duhawm,
I daihlim nuam an ning ne’maw.

Aw, tunah thliah hnu chhawl ang iang maw,
I hnah tilin an uai zo ta em ni le?
Kangmeiin nang che maw nipuisen chuan,
I thian hlui te’n riahrun an vai, an chiar nghian e.

Va tinrengte’n khaw nge riahrun an belh?
I daihlim nuam thlahleltu khaw nge an chawlh?
Vansang ruahtui hip thintu ramtin ti hnawngtu,
Aw, tuk loh ram, i ngai hian an au ruai ruai e.

Aw, tuk loh ram eng i ti ta mai nge?
Han dawn kir la, i thinlung damna chiang takin,
Ka hlan thin che rangkachak lunghlu aia hlu suangtuahna ril,
Dairial i chan tir, a pawi ngei mai.

Aw, tunah thliah hnu chhawl ang iang maw,
I hnah tilin an uai zo ta em ni le?
Kangmeiin nang che maw nipuisen chuan,
I thian hlui te’n riahrun an vai, an chiar nghian e.