Turnipui

Phuahtu: -
Satu:

Phuahtu: Zira Hnamte
Satu: Zira Hnamte

Vawiin chung turnipui khian,
Lung min len ka thlir ning thei lo ve;
Thal khaw romei zamin a bawm,
THlang lenkawlah a sen ruai e.

Hei ang renga lunglen ti zual,
A awm lo vanhnuai lei chinah;
Lenrual te u, thlir ve teh u,
Ka thlir ning lo turnipui khi.

Hnahnem leh parmawi zawng pawh,
An sen riai turnipuiin lo en;
Hramthiam vate’n siahthing zarah,
Zai an vawr e, lunglen zuala’n.

Ti ema lung min lentu,
Liam mai rawh suihlunglen reng ai chuan;
Min fan chhuahtir sulhnu zawng te,
Ka ngai thui vawng vawng e, nunhlui.