Van zaipawl te’n hla an rem

Phuahtu: -
Satu:

Phuahtu: PC Lalneihtluanga
Satu: One In Christ

Enteh u Pathian ropui, hmangaih vanga thil thlawn pek,
A fa neih chhun khawvel tan hringmi ianga lo piangin;
Hei ang renga hun ropui, lawmna tur dang a awm lo,
Kan thinlung ro bawm hawngin Bethlehem lam i pan ang u.

Hlim leh lawmin i zai ang u, Lalber thar a lo piang ta,
Thinlung hliam pawh lo dam se, khawvel Chhandamtu hmingin;
Van Angelte paw’n hlimin Lal thar lawmna hla mawi an sa.

A pian nan Judai rama Bethlehem hmun tlawm a thlang,
Theih chang se tiin ka dawn, ka Lal chham ang a zal nan;
Khualbukah pawh a tha ber, pindan chungnung  ber nise,
Khawvel Chhandamtu pian nan a in mawi zawk mai awm e.

Zan thiang reh lai takah chuan, Van mi thawm a lo thang e,
Lal ber thar a piang tiin Van zaipawl te’n hla an rem;
“Chungnung berah ropui se, lei chungah rem leng rawh se,”
Tiin biah zai nem an hlan, Berampute hnenah chuan.