Ve dawn lawm ni

Min hmangaihna hi a der mai em ni le, Lalngo?
Kei ka lawmna awmhar min hnemtu ka lo ti che;
Kei ka lungkham leh ka lawmna i ni e, Valmawi,
Min ti ve ngei dawn lo’m ni?

Vawikhat talin “Ka hmangaih che,” min ti la,
Kei ka tuar hi a nem ve dawn lo’m ni?

Hmanah chuan e, “I ta ka ni,” min tih kha, Lungrun,
A ṭha par tin dang chu lawr bik suh ang che, Ngaihlungrun;
“Ka hmangaihna hi i tan chauh ka hlan e, Valmawi,”
Min ti ve ngei dawn lo’m ni?

“Kei ka ṭahna ti sei tura i dam ka phal lo,
Damlai par chu i hmang chul dun ang, Bawihte, nang nen;
Lung tin rualin biahthu di zawng hril dun ang, Mi u,”
Min ti ve ngei dawn lo’m ni?