Virthli leng vel
Phuahtu: V Hawlla
Satu:
Chhak leh thlang, chhim leh hmar ramah,
Virthli a leng vel,
Run in chhungah, thangvan sangah,
Tuipui chungah, khawmual ram tinah.
Thing lenbuang zar,
Suanglungpui chhip,
Virthli lenna,
Aw Zoram hi thlifim lenna.
Thlang kawr thliin zo, phai siahthing,
A chhem her liai e;
Thing tin lam ang an her liai e,
Di, ruang, phai hmun an lam her liai e.
Tuipui fawn vel inchhak angin,
A rum vel thin e;
Hring mi thinlai a nghawr dim e,
Huaileng, chungleng thinlai a nghawr dim.
Kawl virthli ngei hi ruang damna,
Chhun, zan tin hianin;
Chung turni thlansa chhem daia’n,
Zaleng zawngte’n ngaih a bang thei lo.