Zion tlang leh van arsi mawi

Phuahtu: -
Satu: -

Hla Thu (Lyrics)

Phuahtu: Patea
Satu: Lalduhawma Chhakchhuak, Sunpuitute, Lalrinawmi (Rintei)

Zion tlang leh van arsi mawi,
Lalpa’n ka tan min siam;
Nakinah chu hmun ka thlen chuan,
Ka lawmna pangpar tur.

Hun enginnge maw tunah min dal,
Thisen zara ka tan Zion tlang;
Aw, engtikah nge ka han hmuh ang,
Chhandamtu leh ram ni tla ngai lo.

Tunah buaina Jordan lui kam-
Ah ka nghak Chhandamtu;
Chu arsi piah chawlhna hmun chu,
Eng tik nge ka thlen ang?

Huna, kal rawh, Zion fate’n,
Ram ropui kan nghakhlel;
Ka lenna thlaler ram a ni,
Ka kalsan thuai dawn e.

Aw, hnehtu Lal Immanuel-
A ram ka thlen hun chuan;
Hmangaihna Lal puan sin vein,
Chatuanin ka leng ang.