Zirtirtu tha (Maroa phuah)
Hla Thu (Lyrics)
Phuahtu: Maroa
Satu: Angeli Lalhmangaihzuali
Saisenteta a chun chawi, hai ang lo thang lianin;
Zirna run belh zai min rel tira;
Mahse maw, ka zuam lo, chunnu tang belh lai then chu,
A-AW-B, A-B-C ka zir peih lo.
Mahse maw, zirtirtu zaidam, nunnem, hmeltha,
Chunnu iang duat te’n min lo chawi a;
I hlim hmel, i seih leh, i nui hmel duhawm chuan,
Ngaihngam te’n sikul run min belh tir ta.
A-AW-B, A-B-C, Ka-Kha-Ga leh adang pawh,
Ka thiam teuh, zirtirtu, nangma zarah;
I zunah kan uai zo, ka star em em che a,
Kan ngaisang bon tawp che, zirtirtu tha.
Theih chang se, i tan hian ka hun leh ni zawng te,
I thatna chhan let hi ka huam a;
Mahse maw, ka thiam lo, kei dawn tawi lungmawl hian,
A chhanna lak dan lo thiam mai rawh aw.
Khuanu ruat i thiamna leh theihna zawng zawng te,
I hmang thin kan tana hlan zo vin;
Keini paw’n nang iangin kan thiamna, finna te,
Ram leh hnam, Lalpa tan kan hlan ve ang.