Zo lanu zai/Zo tlang sang zai
Phuahtu: Zaii Hauchhum
Satu: Zaii Hauchhum
Khuavel thangchhuaka chaiin,
I leng ang, i leng ang aw,
Chengrang tung la,
Muangtein aw thlawk del delin,
Ramtin, kiltin mawiin,
Zo lanu, awi, awi, awi, ka zai.
Awi, awi, awi, ka hrut zel e,
Min sel, min sel lo u;
Thangvan kaia Rihlipui ka pelh hma chuan,
Ngur zawng leng te’n,
Zo tlang sang hawia an chai hma loh chuan.
Zoram chawiin maw mahte’n ka leng,
Ka leng der der,
Tualchaipui Parte,
I lenna tlang thlir zelin,
Zai min vawr pui dawn lo’m ni,
Awi, awi, awi, a na.
Ngur pui Laldanga vangkhua,
Zo khawsang, Zo khawsangah,
Lanu, valrual tuan e,
Sensa turni hnuaia’n,
Chhawrthla eng hnuaiah an chai,
An chai e, khuangpui chawiin.
Zotuithiang pawh a luang ve zel,
Aw, a luang ve zel,
Khuavel ram zauvah,
Kiltin, kawitin hrut velin,
Hnamtin damna dawi rengin,
Luang dem dem rawh aw.