Zomawi Rihlipui

I sakhmel thlir reng hian lunglai i dum ngei e,
A mawi e i hming chawi hi Rihlipui lo ni e;
Zonunmawia’n khuanu leng ruat reng i lo ni e,
Zonunmawia’n khuanu leng ruat reng i lo ni e.

Hmanah pipu lungmawl te’n thlafam siang an lawina,
Rauthlaleng an kaina, pulhzing lamtluang tiin;
Sakhming selin sirah an hnawl che Rihlipui,
Sakhming selin sirah an hnawl che Rihlipui.

Tunah thang leh thar te’n i zarmawi kan bel e,
I parmawi kan tlan e, i zar hnuaia leng zain;
Suihlungrual te’n thiamna i neih par ang kan tlan e,
Suihlungrual te’n thiamna i neih par ang kan tlan e.

Chul lo te’n aw vul zel la Zofa zaleng zawng te’n
I parmawi tlan zain kumtluanga kan len ve nan
Chuai lo te in zonunmawi reng an vul reng rawh,
Chuai lo te in zonunmawi reng an vul reng rawh.