Zoram mawitu

Phuahtu: -
Satu:

Phuahtu: F Rokima

Sam ang kan inthen rei ta em mai,
I ngaiin zan mu ka chhing lo;
Thinlai na reng a dam thei dawn lo,
Ka tan damna dawi i tel lo chuan.

Ka ngai, ka ngai che, aw, Zoram mawitu,
I tel lo chuan tlai ni len a har;
Tawnmang rauthla mai zawng a ni si lo,
Chantawk khuarel a na lua ka ti.

Tualvung koh thiam huiva ni si lo,
Thaikawi bawngte ka tir thin a;
A ko thleng zo si lo, ngaihzuali,
Awmhar lunglen ka tuar dam thei lo.

Ka hmangaih vang nge maw, mawl luat vang,
Biahthu ka ang kan sawi hnuin;
Thadang lawrin rairah kei chu sirah,
Min hnawl mai chuan ka ring phal si lo.