Zorun

Phuahtu: -
Satu:

Satu: Agnes VL Ralte

Zan chhawrthla eng eng no riai khi,
Ka thlir ngam lo thinlainaa’n;
Enga’n min tirh chun leh zua ten,
Kan ram leh hnam phatsan turin.

A mawi lul lo Zonu leng tan,
Thlang kawrvai hraileng han chawi chu;
Lungngaihna leh tahnaah pawh,
Ka thlang zawk e, Zo run ngei chu.

Dawn chiang teh u, chun leh zua te’n,
In hrai riangte hmatiang hun tur;
Hmangaihna lo rosum vangin,
Enga’n min tirh hnamdang bela’n.

Ka di Zo val tang ka belh chuan,
Sum leh pai tam a ngai chuang lo;
Hmangaihnaa kan indi chuan,
Lawm a kim tho ka tan reng hian.

Mi ngo run leh thlang kawrvai run,
Lawi a ngai lo Zonu leng tan;
Kan ram, kan hnam timawi turin,
Ka thlang zawk e, Zo run ngei chu.