Zun phur thing tin par
Phuahtu: Damhauhva
Satu: Siampuii Sailo, H. Vanlalhlana, Laithangpuii, F Lalzamliani, Zodinthari, Mabiaki Pachuau, Lalroutmawi, H Lalchawimawii, F. Lalthangmawii, Zaithanmawii,
Zun phur thing tin par leh khawtlang li liai,
Han hawi vel ila tah zai min rel tir e;
Ka dawnin suihlung a leng e, khuarei ka ngaingam lo ve,
Tlangtin awi lelte a kiu e,
Zun ngai riangte ka tahna mual rihnim tlang li liai.
Pipu sulhnu hnam tin lunglai kuaitu,
Tiau pui chhum leh khawtlang romei zam karah;
Dawntuai thlekna khaw chulram leh dawnlung nau ang nuihna,
Ka hawi ngam lo lung a leng e,
Ka ngai e, hlimlaini kawla a liam ka phal lo ve.
Zawtin hrilh theih sela chungleng huiva,
Berhva hram thiam thing tin zar awi lelte nen;
Zun ngai chhawl ang uai ve ang maw, hril za i lunglen thu,
Kei zawng nau ang tlei ka rel lo,
Tapin khuavelah ka rum Zion thlen hma loh chuan.
Awmhar tinkim dawna rum te zawng chu,
Zawt vel ilangin engtin min chhang ang maw?
Kei zawng fam zun ngaih leh khawtlang lunglen ka phur zo lo ve,
Hnutiang, hmatiang ka dawn changin,
Dar tui ang kan luangral tur hi lung a awi lo ve,