Lalpa chu a tho leh ta

Phuahtu: Charles Wesley, Lettu: Rev. Rohmingliana
Satu:

Lalpa chu a tho leh ta, Haleluia!
Mihringteu lawm rawh u, Haleluia!
Angel-ten lawm hla rem se, Haleluia!
Van leh lei pawhin fak se, Haleluia!

Hmangaih tlanna a kim ta, Haleluia!
Indona a hneh zo ta, Haleluia!
Chhum zing chu a lo kiang ta, Haleluia!
Ni ropui a lo lang ta, Haleluia!

Chhinna lungpui a hawng ta, Haleluia!
Hremhmun kawngkhar a thiat ta, Haleluia!
Thihnain a dal zo lo, Haleluia!
Pialral kawngkhar a hawng ta, Haleluia!

Nung leh ta kan Lalpa chu, Haleluia!
Thihna, khawngaih nge i tur? Haleluia!
Min chhandam turin a thi, Haleluia!
Khawiah nge thlan, i hnehna? Haleluia!

Lawm r’u, Lalpa ropui chu, Haleluia!
Chatuan nun a thlen che u, Haleluia!
Tunah hmangaih thung ila, Haleluia!
Tin, chatuanin fak ila, Haleluia!