Thu mak ka sawi nin theih loh chu

Phuahtu: Rev. Liangkhaia
Satu: Zorema Khiangte

Thu mak ka sawi nin theih loh chu,
Kalvari chanchin a ni;
Engtin nge Pathian Fa mal chu,
Mi sual ka tan a lo thin?

Kalvari tlang, Kalvari tlang,
Ka ngaihtuah tawp hlei thei lo,
Kalvari tlang, Kalvari tlang,
Ka ngaihtuah tawp hlei thei lo.

Nangni, van angel thianghlim leh,
Serafim ropuite u,
Ni tin Lalpa rawngbawltu leh,
A duhzawng ti thinte u.

Kalvari tlang, Kalvari tlang,
Chanchin min hrilh thei lo’m ni?
Kalvari tlang, Kalvari tlang,
Chanchin min hrilh thei lo’m ni?

Aw ka thlarau, chu tlangah chuan,
Chhun zanin va leng fo la;
I Lalpa, kraws lera awm chu,
Nungin i va hmu ang a.

Kalvari tlang, Kalvari tlang,
Chanchin a lo hrilh ang che,
Kalvari tlang, Kalvari tlang,
Chanchin a lo hrilh ang che.

Chhim leh hmar, chhak leh thlanga mi,
A ke bulah lo kun se;
A pui a pang, a lian a te,
A hming fakin zai rawh se.

Kalvari-ah, Kalvari-ah,
An tan a tuar tawh vangin,
Kalvari-ah, Kalvari-ah,
An tan a tuar tawh vangin.