Val ka intiam e
Hla Thu (Lyrics)
Ngainepin Zotawng ka hmusit a,
Ei tling khawpin tawng dang ka thiam chuang si lo;
Hnamdang zingah ka hnam ka zahpui a,
Mangan, thlabar niah ka tana penchhuak,
Ka hnampui Mizo te chauh anni leh si,
Ka hmel, ka pian, ka neih hmusitin,
Nihna lova lana lan mawi ka tum ruai a;
Hmatheha hmantlak thiamna nei lo hi,
Neih rosum hmachhuanin ka hawi pir vel a,
Ka tlin loh ka dawrawm zia ka hrechiang si.
Mahse, ala tlai lo, ka tlawm mai dawn lo,
Ka ram, ka hnam mawi nan ka penchhuak dawn;
Ka hnuchhui tlak awm dawn lo pawh nise,
Thatchhiat, awmawl, chawmhlawm ka do ang a,
Ka bei zel dawn, eiruk, chapo, dawngdahna te,
Nimin, nikum hun liamta te,
Nun anga siamthat theih anni tawh lo,
Mahse, a la tlai lo, ka tlawm mai dawn lo,
Ka ram, ka hnam chhan turin Val ka intiam e.
Hnampui la tlin lohna haichhuak fo vin,
Ri pela fehchhuahin hnamdang buan ka ching si;
Eiruk thup bo bumhmang dem reng chungin,
Hlawkna umin tehna dik ka phum bo va,
Dikna, rinawmna te chu ka vuiliam ta,
Zir belh, thiam tam, hriatchian tum si lo vin,
A zira zir, a beia beitu ka bei reng a;
Kohhran, khawtlanga tlawmngai lo kha,
Ka tanga bei chu huaisenna ka fuih a,
Dawt hmang bawkin ka thlemtlu leh nge nge thin.