Buhseng tur a tam ngei e
Hla Thu (Lyrics)
Buhseng tur a tam ngei e,
Seng turin an hmin zo ta,
Lalpa ram tan thawkin i pen ang u,
Kei ni kan ngawih renga,
Khawvar hun kan nghah mai chuan,
“A tlai lu ta,” tiin Lal kan tawk ang.
Thlarau saltang thimhnuaia,
Thute’n tunah min au ve,
Nun ningin Lalpa hmangaihna aw an nghak,
Engtin nge i chhan dawn le?
Khawi lam nge i zawh dawn le?
Kotu kohna aw, i haider dawn em ni?
Chanchintha kan chan zawng hi,
Tu’n ngawih bo pui thei ang le?
Ramtinah puangin hrilin i pen ang u,
Kan nun leh kan neih zawng te,
Kan engkim atan hlanin,
Muang hman kan ni lo, i thawk chhuak thuai ang u.
Hmangaih Lal rawng chauh bawla,
Damchhung ni chhiar ka nuam e,
Min hmangaih hlut zia hrilin ka puang zel dawn,
Chanchintha ka tan damna,
Chanchin mawi ka tan lawmna,
Engmah rengin aw, a hen zo dawn si lo.