Chantawk khuarel

Chantawk khuarel ka dawn sei ngam lo e,
Samang then hnu thapui i zunleng hian;
Kian zai a rel silo tanglai a vuan,
Dawn lungrukah nau ang tah ruai a awl mang e.

Khuanu leng in a rel si lo,
Nang nen a hlim te a runhmun len dun;
Suihlung kan rual lai ni zawng kha,
Lungtileng mai an chang zo ta e.

Hmanah chuan in buan ang kan in pawm a,
Tudang ngai lo in tlaikhua kan var a;
Tunah erawh tleidang tang a bei in,
Hrai duh leng i chawi ta tuar thiam i har mang e.

Chung muvanlai in chhawl a bang an ti,
I zun ngaih lai hi ka bang thei si lo;
Tlang tin mual tin hrut in zawng mah ila,
Ka tawng lo’ng e, nang ang thinlai riang min hnemtu.

Turnipui kawlah a herliam leh thin,
Ka lei lungduh thadang ainawnpari;
Ka thinlai luahtu lungrun nang ngaih,
A her hlei liam hlei lo’ng e, fam ka chan hma loh chuan.