A sawt tawh lo’ng

Phuahtu: Lalruatfela Pachuau
Satu: Lalruatfela Pachuau, Mapuii & Freddy

Lungngaihna khawvelan thlamuanna i la zawng thin a maw?
I nunna zawng leh he khawvel thil zawng hi;
A chakna chawpin a boral mek e, harh a hun ta e,
Chungpikna leh buaina rallian a lo hrang mek zel e.

I lungawi em i ngaingam ang maw Lalpa rorelna ni chu?
Aw, i damlai nite lo tlain famchang ta la;
Chatuan hmun i pan ni chuan lungchhir a sawt tawh lo’ng e.

Hlimna reng a awm lo hmangaihna a dai zo ta e,
Chhum reilote lo lang a ral leh ang kan nei sia;
Leimawina zawng a la chuai ngei dawn, a boral mek e,
Thih hnihna chu aw, unau, i pumpelh dawn bik em ni?

Mawhphurtu an awm lo nangmah ngei inenfiah la,
Chatuan hremhmun atangin a chhanchhuak thei lo che a,
Chhandamna ngainepa hawisantu i nih mai chuan,
Aw, thih hnihna chuan aw, unau, a pumpelh bik lo’ng che.