Ka chhungkua
Hla Thu (Lyrics)
Hringnun kan zinkawngah harsatna lo thlengin,
Mangangin kan rum fo thin beidawngin;
Lei vanram chantirtu malsawmna min pek,
He ka chhungkua vang hian lawmthu ka hrilh che,
Kan zin kawng lo tawp hunin i hnenah min hruai la,
Van in thlen thlengin min kai ang che.
Krista luah chhungkua Lalpa chennaah chuan,
Lungngaih leh harsatna te’n thla lo zar mahse;
Tawngtaiin an thlen thin,
An Pa vana mi ngei chuan hmangaihnain a uap reng,
Thlamuannain a chenchilh leh thin.
(Coda: Thlamuannain a chenchilh thin)
I tel lohna runchhungah hlimna tluantling si lo,
Min uap la, kan kawng hruaitu lo ni la;
Buaina te lo thlengin thlemna lo hrang mahse,
Nangin hneh zel turin min pui ang che,
Kan zinkawng lo tawp hunin i hnenah min hruai la,
Van in thlen thlengin min kai ang che.
Lei ram kan pelh hunin nangin min lo kai la,
Min hruai thleng ngei ang che, van kawtthler mawiah chuan,
Hmangaih kal ta te nen lawma kan intawn leh nan,
Chhungkim tein i kiangah chuan.