Ka thai

Phuahtu: C Vanlalzuia
Satu: C Vanlalzuia, TBC Lalsanglura

Hla Thu (Lyrics)

Ka thai, ka thai duhlai kan hraichawi riangte hi,
Thangril laiah maw hnuntui ngai lo tap e;
Zua luaithli tui ang a hnam thar leh thin,
Nang ngai hian e chhun ni kan hmang liam e.

Tawn ni awm lo’ng maw ka thai riangte kha,
Zantlaiah kan run rial ang lo dai;
Chawi lai hrai riang leh zua lungmawl mai hi,
Min hlan la pialral then lohna rammawiah.

Ka nghak a sin bawihte, chhingkhual zing zin mahla,
Sul ang i haw hun ka nghak tlai nitinin;
Mahse, thinlai reng, aw, a thawng lua e,
Fam i channa anka ka dawn ni kha.

I tel lo chuan bawihte, ka bel ngam lul lo’ng e,
Kan run riang leh e kan zalna laikhum hi;
Riakmaw va ang hian kaina run vaiin,
Ar ang vaiin e, tuan rel mai nang e.