Ka thinlai luahtu
Hla Thu (Lyrics)
Aw, khawiah nge hmana min hnemtu ka di ve kha?
Khawia’n nge maw ka thinlai luah zo tu kha?
Tawng leh thei ngai ang i maw?
Tunhma hun leh nunhlui zawngte kha.
Hun kha leh chen kha e, sul ang kan inzui a,
Tleitir lungmawl tihtauh vanga;
Samang inthenin lung tum loh tawnah,
Khiangawi a ka liam san nite pawh khan e,
Suihlung zawng ana;
Dawn chang hian lung ka vai,
Khuarei hian hnem ahnehin a zual tir zel,
Aw thinlaina, a zual tir zel, aw, thinlaina.
Suihlung chhir teh mah ila maw a sawt tawh si lo,
Theih chang te se maw a bul tan leh ka va nuam em;
Mahse maw, a rem tawh lo,
suihlungchhira tahna mai maw ni ta.
Kumpuisul tam lengdang tang bel tawh mah ila,
Thinlaia’n maw i hlui mawlh lo, i thar reng thin;
Lamkawia tawh chang nite hian,
Thinlai a thawng thar leh thin a sin aw.