Ram thianghlimah
Hla Thu (Lyrics)
Ti hian ka dawn thin van in nuam,
Lungduhte leh mi thianghlim te;
An lenna hmun nuam chung lam khawpui mawiah chuan,
Engtikah nge kan thlen ve dawn,
Jerusalem thar nuamah chuan.
Tlante an lenna hmun thianghlimah chuan,
Leng ve tlakin tunge thianghlim ang le?
Kalvari tuifima inbual fai leh,
A thlarau thianghlima a pawl thianghlim te zawng zawng,
A ram thianghlimah an leng ve ang.
Thinlung thianghlim eng a thawl e,
Chu chu Lalpa temple atan;
Thianghlim lote hnenah Lalpa a cheng ngai si lo,
Rilru, taksa, thlarau zawng nen,
Lalpa tan i hlan thianghlim ang.
Khawvel chhandam tura lo kal,
Kan Lal Isua Krista ngei kha;
Hrehawm tinreng tuar zovin, aw, Kalvari tlangah,
Tui leh thisen, thlarau min pe,
Chu tuiah chuan inbual ang che.
Hming zawng zawnga chungnung ber,
Khawvel sualna chhandamtu chu;
Ropuina leh chawimawina i hlan ang u,
Amah ngei chuan min rawn hruai ang,
A ram thianghlima cheng ve turin.